Zapusk sajuznaha miedyjachołdynha znoŭ adkładajecca, pamiž Biełaruśsiu i Rasijaj «kanceptualnyja razychodžańni»
Stvareńniu miedyjachołdynha Sajuznaj dziaržavy pieraškadžajuć «kanceptualnyja razychodžańni» pamiž rasijskim i biełaruskim bakami, zajaviŭ dziaržaŭny sakratar hetaha ŭtvareńnia Dźmitryj Mieziencaŭ u intervju telekanału «Biełaruś 1».
Dźmitryj Mieziencaŭ
Pa słovach Mieziencava, u bakoŭ jość roznahałośsie adnosna bačańnia taho, «jakoj pavinna być sietka viaščańnia, jaki pavinien być masiŭ tranślavanaj infarmacyi i praź jakija srodki».
Čynoŭnik adznačyŭ, što «projdzieny peŭny šlach, i ŭ ramkach sumiesnaj kalehii Mininfarma Biełarusi i Minličby Rasii padrychtavanaja prapanova pa stratehii raźvićcia sajuznych ŚMI».
Ź idejaj stvaryć miedyjachołdynh Sajuznaj dziaržavy na pasiadžeńni jaje Vyšejšaj dziaržrady 4 listapada 2021 hoda ŭ Maskvie vystupiŭ Alaksandr Łukašenka. Tady mierkavałasia, što struktura źjavicca da kanca 2022 hoda, ale hetaha nie adbyłosia. Paśla i ź biełaruskaha, i z rasijskaha boku vystaŭlalisia novyja terminy, jakija taksama zryvalisia. U lipieni 2023 hoda Ministerstva ličbavaha raźvićcia, suviazi i masavych kamunikacyj RF paviedamiła, što miedyjachołdynh Sajuznaj dziaržavy źjavicca nie raniej za 2024 hod.
Čytajcie taksama:
Mieziencaŭ: Nikoli i nikomu z terytoryi Rasii i Biełarusi nie hučali pahrozy
Dziaržsakratar Sajuznaj dziaržavy Mieziencaŭ pieradaŭ kaledžam «ŁNR» 100 biełaruskich noŭtbukaŭ
«Rutube — miortvanarodžanaje dzicia». Biełaruskija prapahandysty raskrytykavali rasijskich