97-hadovaja žančyna atrymała apioki na pažary, ale piać dzion nie źviartałasia da daktaroŭ
Niaščaście zdaryłasia ŭ vioscy Hłybaŭ Krasnapolskaha rajona, paviedamlaje Ministerstva pa nadzvyčajnych situacyjach.
Fota: 112.by
U paniadziełak babula paliła ŭ piečy, i na joj zaharełasia adzieńnie. Zaharańnie jana patušyła samastojna i pa dapamohu nikudy nie źviarnułasia.
U piatnicu naviedać babulu pryjechała ŭnučka, pabačyła ŭ jaje apiok ściahna i paviedamiła pra heta ŭ balnicu. Bryhada chutkaj miedycynskaj dapamohi špitalizavała žančynu ŭ chirurhičnaje adździaleńnie.
Mierkavanaja pryčyna pažaru — parušeńnie praviłaŭ ekspłuatacyi piečaŭ, ciepłahienieryrujučych ahrehataŭ i pryład.