MVF vydzieliŭ Biełarusi čarhovyja 700 młn dalaraŭ
Rada dyrektaraŭ Mižnarodnaha valutnaha fondu zaviaršyła treci ahlad prahramy stend-baj.
Rada dyrektaraŭ Mižnarodnaha valutnaha fondu (MVF) 18 śniežnia zaviaršyła treci ahlad prahramy stend-baj i pryniaŭ rašeńnie ab vydzialeńni Biełarusi čarhovaha tranšu kredytu na 688 młn. dalaraŭ. U vyniku ahulnaja suma srodkaŭ, vydzielenych fondam dla Biełarusi ŭ miežach stabilizacyjnaj prahramy, dasiahnuła kala 2,88 młrd. dalaraŭ.
U raspaŭsiudžanym MVF paviedamleńni namieśnik dyrektara-rasparadčyka MVF Takatošy Kato zajaviŭ, što biełaruskaja ekanomika pačynaje vychodzić z kryzisu. «Abjom ekspartu stabilizavaŭsia, źnižeńnie abmiennaha kursu rubla sadziejničaje pavyšeńniu kankurentazdolnaści i davieru da nacyjanalnaj valuty siarod nasielnictva», — zaznačaje adzin z kiraŭnikoŭ MVF.
Razam z tym, Kato zaznačaje, što Biełaruś zastajecca «ŭraźlivaj da źniešnich uzrušeńniaŭ, jakaja patrabuje bieśpierapynnaj razumnaj makraekanamičnaj palityki». «Važna zamacavać pośpiechi hetaj stabilnaści na praciahu 2010 hoda. Adnak imknieńnie da nieapraŭdana vysokich tempaŭ rostu VUP uzmocnić nacisk na rachunak najaŭnych apieracyj i pavysić uraźlivaść Biełarusi da źniešnich uzrušeńniaŭ. Tamu važna, kab mety ŭładaŭ byli zasnavanyja na bazie realistyčnych mierkavańniaŭ i ŭzhodnienaj prahramy», — zaznačać u kiraŭnictvie fondu.
U MVF miarkujuć, što adnym z klučavych faktaraŭ u 2010 hodzie źjaŭlajecca razumnaja kredytnaja palityka. Fond padtrymlivaje rašeńnie ŭładaŭ Biełarusi na abmiežavańnie kredytavańnia ŭ miežach dziaržaŭnych prahram.
Na dumku Kato, stvareńnie Finansavaha ahienctva raźvićcia, jakoje zamienić banki ŭ finansavańni dziaržprahram, «budzie važnym krokam napierad». «Stvareńnie hetaha viedamstva dazvolić taksama Nacyjanalnamu banku Biełarusi spynić refinansavańnie bankaŭ na niarynačnych umovach. Abmiežavańni pry vydzialeńni kredytaŭ pad dziaržprahramy dazvolać pastupova źnizić pracentnyja staŭki pa kredytach», — miarkuje namieśnik dyrektara-rasparadčyka MVF.
Ekśpierty fondu taksama padtrymlivajuć prychilnaść uładaŭ Biełarusi da praviadzieńnia razumnaj biudžetnaj palityki. Adnak, na dumku MVF, ekanamičny rost u krainie budzie ŭ mnohim zaležać ad praviadzieńnia strukturnych reform u ekanomicy.
Nahadajem, Biełaruś źviarnułasia pa atrymańnie kredytu da MVF u kastryčniku 2008 hoda
«ŭ metach pavieličeńnia dziaržaŭnych zołatavalutnych reziervaŭ i stvareńnia «paduški biaśpieki», nieabchodnaj dla stabilnaj pracy ekanomiki va ŭmovach suśvietnaha finansavaha kryzisu».
Prahrama stend-baj dla Biełarusi była zaćvierdžana 12 studzienia 2009 hoda, a 29 červienia pamier finansavaha pakieta, jaki vydzialajecca ŭ miežach dadzienaj prahramy, byŭ pavialičany amal na 1 młrd. dalaraŭ — da 3,63 młrd. dalaraŭ. Takim čynam, u pieršym kvartale 2010 hoda Biełaruś moža atrymać apošni tranš kredytu.
Srodki pieraličvajucca pad prahramu ekanamičnych reform, raźličanuju na 15 miesiacaŭ (da krasavika 2010 hoda), z ulikam štokvartalnych spravazdač biełaruskaha ŭrada.
Z ulikam vydzielenaha 21 kastryčnika treciaha tranšu ŭ pamiery kala 700 młn. dalaraŭ ahulnaja suma vydzielenych Biełarusi dahetul srodkaŭ pa prahramie stend-baj składaje kala 2,2 młrd. dalaraŭ ZŠA.