Namieśnika dekana MHIMO zvolnili za sustreču z Urhantam
Miesiac tamu prafiesar MHIMO Juryj Kabaładze zładziŭ studentam žurfaka sustreču z televiadučym Ivanam Urhantam. Temaj hutarki było naładžvańnie asabistych suviaziaŭ u miedyjaprastory. Adrazu paśla hetaha ŭ vykładčyka pačalisia prablemy, piša telehram kanał «Ostorožno, Moskva».
Ivan Urhant vystupaje pierad studentami. Fota: ostorozhno_moskva / Telegram
Spačatku pres-słužba MHIMO nazvała sustreču fejkam, paźniej u ŚMI pačali zjaŭlacca zajavy sa spasyłkaj na krynicy ŭ rektaracie MHIMO, što zaprašeńnie televiadučaha było asabistaj inicyjatyvaj prafiesara i rektarat šakavany jaho rašeńniem. Sa słoŭ studentaŭ, ad vykładčyka pačali patrabavać, kab jon zaprašaŭ na sustrečy vajenkoraŭ, a tydzień tamu jamu zabaranili zładzić studentam lekcyju z Alonaj Daleckaj.
Učora Kabaładze paviedamiŭ studentam pra svajo zvalnieńnie.
Studenty źbirajucca pisać kalektyŭny list z prośbaj viarnuć vykładčyka, ale aścierahajucca adličeńnia. «Kali takoha daśviedčanaha piedahoha, jaki 9 hadoŭ adpracavaŭ u VNU, zvolnili paśla sustrečy z Urhantam, to što ž budzie z nami», — skazała kanału adna sa studentak.
Ivan Urhant asudziŭ vajennuju ahresiju Rasii suprać Ukrainy, paśla čaho papularnaje šou «Viačerni Urhant» było źniataje z efirnaj sietki «Pieršaha kanała».