Vyžyŭ dziakujučy pažarnamu apaviaščalniku
U vioscy Krasnaje (Maładziečanski rajon) 16 śniežnia zhareŭ dom. Pryčynaj, miarkujuć pažarnyja, stała pierahretaja pieč.
Paviedamleńnie ŭ słužbu 101 pastupiła ŭ 23.30 — patelefanavaŭ sam 77‑hadovy haspadar. Kali pryjechali pažarnyja, chata ŭžo hareła adkrytym połymiem. U vyniku dach zhareŭ, dom vyharaŭ znutry.
Jak raskazaŭ pažarnym haspadar doma, jon spaŭ, pračnuŭsia ad praniźlivaha sihnału aŭtanomnaha pažarnaha apaviaščalnika — hareła ściana, što prymykaje da piečy.
Pa słovach inśpiektara prapahandy i ahitacyi maładziečanskaha harrajadździeła pa nadzvyčajnych situacyjach Maryny Jermakovaj,
z‑za mocnych marazoŭ kolkaść pažaraŭ pavialičyłasia ŭtraja.