Minčuk pieravioŭ afierystam 300 tysiač rubloŭ
Pačałosia ŭsio kłasična. U miesiendžary patelefanavaŭ iłžeśledčy i paviedamiŭ, što na imia mužčyny nieviadomaja žančyna aformiła kredyt 120 000 rubloŭ.
mmr.ua
Kab pieraškodzić złamyśnicy i dapamahčy vyličyć jaje saŭdzielnikaŭ siarod rabotnikaŭ banka, a taksama zaścierahčy svaje hrošy, minčuku nieabchodna «zadekłaravać» usie najaŭnyja ŭ jaho hrašovyja srodki na śpiecyjalny rachunak, paviedamlaje «Milicyja Minska».
Mužčyna pavieryŭ: pieravioŭ usie svaje źbieražeńni i hrošy, atrymanyja ad prodažu doma, na ŭkazany złačyncami rachunak.
Padazreńni ŭ minčuka ŭźnikli ŭ toj momant, kali ŭ jaho zapatrabavali pradać aŭtamabil. Mužčyna admoviŭsia, paśla čaho afierysty pierastali vychodzić na suviaź i vydalili listavańnie ŭ miesiendžary.
Ahulnaja suma skradzienaha skłała kala 300 tysiač rubloŭ.
U milicyi nahadvajuć, što jany nie telefanujuć u miesiendžarach i nie prosiać aformić kredyt ci akazać sadziejničańnie ŭ złovie złačyncaŭ.
Čytajcie taksama:
Minčanka addała noŭtbuk varažbitkam za źniaćcie surokaŭ. Ale na hetym prablemy nie skončylisia
Telefonnyja machlary pierakanali achviaru raźbić dźviery ŭ banku