Stała viadoma, hodam čaho abvieščany 2024-y
Alaksandr Łukašenka siońnia padpisaŭ ukaz №375 «Pra abviaščeńnie 2024-ha Hodam jakaści», paviedamlaje jaho pres-słužba.
Viaśninka. Elity pasiołak. Fota: «Naša Niva»
Paviedamlajecca, što rašeńnie pryniata ŭ metach «dalejšaha pavyšeńnia jakaści žyćcia biełaruskaha naroda, zabieśpiačeńnia kankurentazdolnaści nacyjanalnaj ekanomiki na suśvietnaj arenie, stymulavańnia inicyjatyvy, farmiravańnia ŭ hramadstvie adkaznaści za vyniki svajoj pracy i pačućcia datyčnaści da budučyni krainy».
Taksama zaznačajecca, što pryjarytetnuju ŭvahu płanujecca nadać «farmiravańniu ŭ hramadzian asabistaj adkaznaści za dasiahnieńnie vysokaj jakaści žyćcia: dastatkovy ŭzrovień dachodu, svoječasovaja dyspansieryzacyja, zdarovaje charčavańnie, dobruju adukacyju, kulturny volny čas».