Dla pierakanaŭčaści ŭklučyŭ videazvanok i pakazaŭ słužbovaje paśviedčańnie i kabiniet. Jak u žycharki Barysava źnikli 14 tysiač
Žančynie ŭ miesiendžary patelefanavaŭ nieviadomy, jaki nazvaŭsia supracoŭnikam Kamiteta dziaržkantrolu.
Skrynšot videa MUS
U Barysaŭskaje RUUS źviarnułasia žančyna, z bankaŭskaha rachunku jakoj śpisali bujnuju sumu, paviedamlaje pres-słužba MUS.
Žančynie ŭ miesiendžary patelefanavaŭ nieviadomy, jaki pradstaviŭsia supracoŭnikam Kamiteta dziaržkantrolu. Jon paviedamiŭ, što rabotnica banka adkryła na imia žančyny niekalki rachunkaŭ, praź jakija pieraličvaje srodki, zdabytyja złačynnym šlacham.
Kab abaranić źbieražeńni, mužčyna zahadaŭ spampavać dadatak dystancyjnaha dostupu. Dla pierakanaŭčaści jon navat uklučyŭ videazvanok, demanstravaŭ słužbovaje paśviedčańnie i kabiniet, u jakim znachodzicca.
Žančyna pavieryła machlaru i vykanała jaho ŭkazańni. Paśla hetaha ź jaje bankaŭskich kartak było śpisana zvyš 14 tysiač rubloŭ.
Zaviedziena kryminalnaja sprava za kradziež šlacham madyfikacyi kampjutarnaj infarmacyi.
Čytajcie taksama:
Minčuk pieravioŭ afierystam 300 tysiač rubloŭ
Minčanka addała noŭtbuk varažbitkam za źniaćcie surokaŭ. Ale na hetym prablemy nie skončylisia
Telefonnyja machlary pierakanali achviaru raźbić dźviery ŭ banku