RPC vystupaje suprać dyskryminacyi hiejaŭ
Patryjarch Maskoŭski i ŭsiaje Rusi Kirył zajaviŭ, što Rasijskaja pravasłaŭnaja carkva prymaje luby vybar čałavieka, u tym liku i ŭ śfiery seksualnaj aryjentacyi, ale kateharyčna vystupaje suprać abortaŭ i eŭtanazii.
«My prymajem luby vybar čałavieka, u tym liku ŭ śfiery seksualnaj aryjentacyi, heta asabistaja sprava čałavieka», — skazaŭ Kirył na sustrečy z hienieralnym sakratarom Rady Jeŭropy Turbjernam Jahłandom ŭ sieradu ŭ patryjaršych pakojach chrama Chrysta Zbaŭcy.
Pavodle jaho słovaŭ, pryznańnie hetaha faktu ni ŭ jakim vypadku nie mianiaje pazicyi RPC u dačynieńni da samoj źjavy.
«Relihijnaja tradycyja ŭsich praktyčna narodaŭ śviedčyć pra toje, što homaseksualizm źjaŭlajecca hrachom», — nahadaŭ kiraŭnik RPC.
«Toj, chto ździajśniaje hrech, nie pavinien karacca … Tamu my pieryjadyčna vystupali i vystupajem suprać luboj dyskryminacyi ludziej nietradycyjnaj seksualnaj aryjentacyi», — zajaviŭ Kirył.
Jon taksama zajaviŭ, što RPC nikoli nie dałučycca da hołasu tych, chto ličyć abort prosta adnym z pravoŭ čałavieka. «I ŭ dačynieńni chvorych ludziej nielha ŭžyvać śmierć, jak srodak vyrašeńnia prablem», — skazaŭ patryjarch.