Prahnoz nadvorja ŭ Biełarusi na 24—26 śniežnia
Zhodna z prahnozam Respublikanskaha hidramieteacentra, 24 śniežnia ŭ Biełarusi budzie vobłačna z prajaśnieńniami. Nočču i ranicaj na bolšaj častcy terytoryi apadki, u asnoŭnym mokry śnieh, pa Viciebskaj vobłaści miescami mocny mokry śnieh, dniom pa Bresckaj i Hrodzienskaj abłaściach nievialikija apadki (mokry śnieh, doždž). Miescami tuman, słaby hałalod. Na darohach hałalodzica. Viecier paŭdniovy 5—10 m/s; nočču pa paŭnočnym uschodzie krainy paryvy da 15—20 m/s, miacielica. Tempieratura pavietra na praciahu sutak ad minus 3 da plus 3°S.
U Minsku 24‑ha vobłačna z prajaśnieńniami. Nočču i ranicaj časam apadki, u asnoŭnym mokry śnieh, słabaja miacielica. Dniom bieź istotnych apadkaŭ. Słaby tuman. Na darohach hałalodzica. Viecier paŭdniovy 5—10 m/s, nočču paryvy da 14 m/s. Tempieratura pavietra na praciahu sutak 0 — minus 2°S.
U nastupnyja dvoje sutak, 25—26 śniežnia, pa krainie čakajecca vobłačna z prajaśnieńniami. 25‑ha časam apadki, u asnoŭnym doždž, dniom u asobnych rajonach mocnyja apadki. Nočču i ranicaj miescami hałalod, na darohach hałalodzica. U asobnych rajonach tuman. Viecier paŭdniova‑ŭschodni, paŭdniovy 7—12 m/s, paryvy da 14 m/s. Tempieratura pavietra nočču 0 — minus 7°S, dniom minus 1 — plus 5°S; pa paŭdniovym zachadzie nočču plus 1—3°S, dniom plus 6—8°S.
26‑ha časam doždž, dniom pa zachadzie z mokrym śnieham. Nočču i ranicaj miescami tuman. Viecier paŭdniovy, dniom ź pierachodam na zachodni 5—10 m/s, dniom paryvy da 14 m/s.
Tempieratura pavietra nočču i dniom minus 1 — plus 5°S.
U Minsku 25‑ha vobłačna z prajaśnieńniami. Časam apadki, u asnoŭnym doždž. Nočču i ranicaj hałalod, na darohach hałalodzica. Viecier paŭdniova‑ŭschodni 7—12 m/s, paryvy da 14 m/s. Tempieratura pavietra nočču minus 2—4°S, dniom plus 1—3°S.