Minharvykankam: Staličnyja miedyki hatovy da novaj chvali hrypu
zajaviŭ namieśnik staršyni Minharvykankama Michaił Ciciankoŭ 23 śniežnia na pres‑kanfierencyi.
Druhuju chvalu epidemii hrypu i vostrych reśpiratornych infiekcyj śpiecyjalisty prahnazujuć u kancy studzienia — pačatku lutaha.
Pavodle słoŭ Ciciankova, staličnyja miedyki surjozna pastavilisia da prablemy hrypu padčas pieršaj chvali epidemii. «Vielmi efiektyŭnaj» mieraj, miarkuje jon, stała pradaŭžeńnie školnych kanikułaŭ. Aprača taho, ustanovy achovy zdaroŭja byli pieraviedzieny na padoŭžany režym pracy, apieratyŭna prachodziła špitalizacyja tych, chto zachvareŭ na pnieŭmaniju. «Adzinaja prablema, jakuju my razam z vami pieražyli, — heta lekavyja bunty», — zaznačyŭ namieśnik staršyni. Jon spadziajecca, što bolš hetaja situacyja nie paŭtorycca.
Čynoŭnik taksama vykazaŭ nadzieju, što maroznaje nadvorje dapamoža strymać zachvorvańnie, a ŭ jakaści mier prafiłaktyki paraiŭ zajmacca fizkulturaj i zimovymi vidami sportu. Jon ličyć, što svaju rolu ŭ baraćbie suprać hrypu adyhrajuć i školnyja kanikuły.