U Biełarusi ŭsplosk chvorych na adzior
Pryčym bolšaść chvorych na adzior nie byli pryščeplenymi.
U krainie zarehistravana bolš za 140 vypadkaŭ adru ŭ 2023 hodzie. Ad listapada staŭ adznačacca ŭzdym zachvorvańnia (užo zarehistravana bolš za 90 vypadkaŭ). Ciapier epidemijałahičnaja situacyja nazirajecca ŭ Bresckaj, Homielskaj, Minskaj abłaściach i Minsku, paviedamlaje Minzdaroŭja.
Dzieci ŭzrostam da 18 hadoŭ składajuć 48% (pryčym bolš za 40% heta dzieci da adnaho hoda).
U Minzdaroŭi źviartajuć uvahu na toje, što 74% chvorych byli nieprypyščeplenymi, a siarod chvorych dziaciej praktyčna 90% — nie pryščeplenyja (abo nie dasiahnuli ŭzrostu vakcynacyi, abo byli nie pryščeplenymi z-za admovy baćkoŭ).
U viedamstvie zaznačajuć, što vakcyny suprać adru vałodajuć vysokaj efiektyŭnaściu, i paślaŭviadzieńnia adnoj dozy vakcyny ŭ bolš čym 95% pryščeplenych farmujecca doŭhačasovaja imunnaja abarona arhanizmu, paśla ŭviadzieńnia druhoj dozy efiektyŭnaść dasiahaje praktyčna 100%.