Rasiejcy ŭnačy atakavali Kijeŭ, u horadzie prahrymieła sieryja vybuchaŭ
Usiaho supraćpavietranaj abaronaj było źniščana vosiem pavietranych celaŭ, jakija lacieli ŭ napramku ŭkrainskaj stalicy pa balistyčnaj trajektoryi.
Fota: Mns.gov.ua
11 śniežnia a 4 hadziny ranicy ŭ Kijevie prahučała sieryja vybuchaŭ, paśla čaho była abvieščanaja pavietranaja tryvoha, piša UNIAN.
U Darnickim rajonie ŭ žyłym domie vybityja šyby, papiarednie abłomkami škła traŭmavałasia dzicia i dvoje darosłych, raspavioŭ načalnik Kijeŭskaj haradskoj vajennaj administracyi Siarhiej Papko.
U Hałasiejeŭskim rajonie imavierna z pryčyny padzieńnia abłomkaŭ rakiety było zadymleńnie na dachu žyłoha doma.
Pavodle infarmacyi Vitala Kličko, u vyniku ataki voraha abłomak rakiety paškodziŭ u Darnickom rajonie niedabudavany budynak. Pažar tam apieratyŭna patušyli.
Paśla Kličko paviedamiŭ ab čatyroch paciarpiełych.
«Čatyry čałavieki — usie darosłyja — paciarpieli ŭ Darnickim rajonie ŭ vyniku rakietnaj ataki voraha. Miedyki akazali im dapamohu na miescy», — havorycca ŭ paviedamleńni.
Pavodle jaho słoŭ, taksama abłomak rakiety vyjavili na terytoryi kramy-składa ŭ Darnickim rajonie. Abyšłosia biez pažaru i paškodžańniaŭ budynka.
U pavietranych siłach zrabili spravazdaču, što kala čatyroch hadzin ranicy 11 śniežnia rasiejskija akupanty nanieśli rakietny ŭdar pa Kijeŭščynie. Usiaho supraćpavietranaj abaronaj było źniščana vosiem pavietranych celaŭ, jakija lacieli ŭ napramku ŭkrainskaj stalicy pa balistyčnaj trajektoryi.
Čytajcie taksama: