Minzdaroŭja adkryła haračuju liniju pa pytańniach darahoha lačeńnia zuboŭ
Rašeńnie źviazana z ustalavańniem limitavaj ceny na stamatałahičnyja pasłuhi.
Ilustracyjnaje fota «Naša Niva»
U Biełarusi buduć prymać skarhi na zavyšany košt lačeńnia zuboŭ.
Telefon 8 (017) 379 25 41 viadzie va ŭniviersiteckuju stamatałahičnuju kliniku, dzie i prymuć zajaŭku. Źviarnucca tudy možna z 9:00 da 17:30.
Viedamstva nie ŭkazała, jak doŭha budzie aktyŭnaja pasłuha. Mahčyma, jana stanie pastajannaj, prahnazuje tochka.by.
Heta rašeńnie źviazana z pastanovaj №170, jakoje ŭstupiła ŭ siłu 13 śniežnia.
U im istotna pašyrany śpis pasłuh stamatałahičnych klinik i kabinietaŭ, dla jakich dziejničaje dziaržrehulavańnie koštaŭ.
Pry hetym pa šerahu pazicyj ceny źniziacca amal na 50%.
Takoha rezkaha padzieńnia koštu dziaržava płanuje dasiahnuć z dapamohaj rehulavańnia normaŭ na raschodniki.
Pa zadumcy, heta pavinna vyklučyć nieabhruntavanaje zavyšeńnie vynikovaj cany na płatnyja pasłuhi. A jašče pryniata rašeńnie pamienšyć čas na kožnuju manipulacyju stamatołaha: pa mnohich pazicyjach u dva razy, u niekatorych vypadkach — u try-piać razoŭ.
U Ministerstvie achovy zdaroŭja pryjšli da vysnovy: kali pamienšyć čas na praviadzieńnie manipulacyj, pracoŭnyja i časovyja zatraty na pasłuhi źniziacca na 10-30%. Značyć, košty taksama pavinny źnizicca.
Čytajcie taksama:
Stamatołah z Kapyla zapiarečyŭ čynoŭnikam: Źnižać ceny — my pacierpim stratu