U Maskvie adpiłavali hałavu kania Rakasoŭskaha na hareljefie «Parad Pieramohi»
Nieviadomy adpiłavaŭ hałavu kania savieckaha maršała Kanstancina Rakasoŭskaha na hareljefie «Parad Pieramohi», jaki znachodzicca na Maniežnaj płoščy ŭ centry Maskvy. Incydent adbyŭsia ŭ noč na 12 śniežnia, złamyśnik uciok ź miesca zdareńnia, piša RBK.
Fota: AHN «Maskva»
Hareljef u pamiać ab paradzie Pieramohi 24 červienia 1945 hoda na Krasnaj płoščy adkryli na Maniežnaj płoščy, kala budynka handlovaha centra «Achotny rad» u vieraśni 2023 hoda. Inicyjatarami jaho stvareńnia stali Asambleja narodaŭ Jeŭrazii i Rasijski sajuz vieteranaŭ.
Adkryćcio pomnika 3 vieraśnia było prymierkavana da Dnia Pieramohi nad Japonijaj i zakančeńnia Druhoj suśvietnaj vajny. Na hareljefie vyjaŭlenyja maršały Savieckaha Sajuza Hieorhij Žukaŭ i Kanstancin Rakasoŭski. Apošni kamandavaŭ paradam Pieramohi 1945 hoda i byŭ na kani pa mianušcy Polus.
Čytajcie taksama:
Raźviedka ZŠA ličyć, što Rasija na vajnie va Ukrainie straciła 315 tysiač čałaviek
Maskva dazvoliła Minsku nie płacić pa kredytach da 2029 hoda