Pradstaŭniki praŭładnaj partyi ŭ pieršy ž dzień zboru podpisaŭ demanstratyŭna parušyli zakon
Pieršy pikiet dla zboru podpisaŭ zaŭvažyli 23 śniežnia na płoščy pierad homielskim «Novym univiermaham». U minułyja hady na hetaj placoŭcy ahitacyju pravodzili jak praŭładnyja arhanizacyi, tak i apazicyja. Sioleta zbor podpisaŭ na hetaj płoščy byŭ zabaronieny praz rašeńnie Homielskaha harvykankama, piša «Fłahštok».
Pikiet pa zbory podpisaŭ «Biełaj Rusi». Fota: telehram-kanał Pieršaha haradskoha telekanała
Dakumient, pryniaty 7 śniežnia ŭ Homielskim harvykankamie, źmiaščaje abjomny pieralik zabaronienych łakacyj. Siarod ich ustanoŭleny zabaronienyja miescy dla zboru podpisaŭ:
- bližej za 200 mietraŭ da padziemnaha pierachodu,
- bližej za 50 mietraŭ da bankaŭ.
Mienavita hetyja punkty i parušyli pikietčyki «Biełaj Rusi», arhanizavaŭšy tam zbor podpisaŭ.
Schiema raźmiaščeńnia pikietu «Biełaj Rusi». Vizualizacyja: «Fłahštok»
U adpaviednaści z tekstam rašeńnia, kantrol za vykanańniem hetaha zakona lažyć na namieśnikach staršyni harvykankama, haradskich kiraŭnikach administracyj rajonaŭ i načalnikach rajonnych AUS Homiela.
Na pikiecie pradstaŭniki praŭładnaj partyi «Biełaja Ruś» źbirali podpisy za dvuch kandydataŭ: Siarhieja Chachomava (rektar Homielskaha dziaržaŭnaha ŭniviersiteta imia Francyska Skaryny) i Uładzimira Haŭryłoviča (staršynia prarežymnaha Homielskaha abłasnoha adździaleńnia hramadskaha abjadnańnia «Sajuz piśmieńnikaŭ Biełarusi»).
Čytajcie taksama:
Marzaluka śpisvajuć va ŭtyl? «Biełaja Ruś» vystaviła jamu kankurenta na parłamienckija vybary
Hajdukievič, Hihin, Špakoŭski, Šaŭcoŭ, Barsukoŭ i astatnija. Chto ŭ Minsku sabraŭsia ŭ deputaty