Vykładčyk minskaha ŭniviersiteta papaŭsia na chabary. Hrošy jamu pieravodzili na kartku
Toje, što vykładčyk biare hrošy za paśpiachovuju zdaču ispytaŭ, stała viadoma padčas ankietavańnia studentaŭ.
Fota: Hienieralnaja prakuratura
Rektar napisaŭ u prakuraturu Savieckaha rajona, tam stvaryli śpiecyjalnuju kamisiju.
Vyśvietliłasia, što vykładčyk zmušaŭ studentaŭ pieradavać jamu praz starastu hrupy hrošy ci ałkahol za dopusk da ispytu i jaho paśpiachovuju zdaču.
Častka studentaŭ pahadziłasia, paśla čaho pieraviała na rachunak vykładčyka hrošy, a taksama pieradała darahi ałkahol.
Prakuror kvalifikavaŭ supraćpraŭnyja dziejańni vykładčyka pa č. 2 art. 430 Kryminalnaha kodeksa (sankcyja artykuła praduhledžvaje da 10 hadoŭ kałonii).
Taksama paviedamlajecca, što budzie dadziena pravavaja acenka dziejańniam studentaŭ, jakija davali chabar vykładčyku.