«Dynama» Minsk — «Karłavy Vary» — 8:0
Na 83‑m mižnarodnym chakiejnym turniry «Kubak Špienhlera», jaki prachodzić u šviejcarskim Davosie, 29 śniežnia minskaje «Dynama» razhramiła češski kłub «Karłavy Vary» ź likam 8:0 (4:0, 3:0, 1:0). Pieršyja čatyry šajby biełaruskaja kamanda zakinuła na praciahu 132 siekund.
Raźvićcio padziej: 1:0 — Mialeška (2‑ia chvilina; asistenty — Zadzialenaŭ, Lintnier), 2:0 — Čuprys (2‑ia), 3:0 — Chiuvienien (3‑ia, u bolšaści; Piełtanien, Uestkat), 4:0 — Mialeška (4‑ia; Zadzialenaŭ, Lutkievič), 5:0 — Uestkat (23‑ia), 6:0 — Chiuvienien (25‑ia; Piełtanien, Lintnier), 7:0 — Antonaŭ (29‑ia, u bolšaści; Lintnier), 8:0 — Kułakoŭ (42‑ia; Dziamkoŭ).
Heta samaja bujnaja pieramoha «Dynama» ŭ historyi. Akramia taho, nikoli raniej kamanda nie zakidvała vosiem šajb.
26 śniežnia biełaruski kłub sastupiŭ «Davosu» — 2:3, a 27‑ha pieramoh niamiecki «Manhiejm» — 2:1.
28 śniežnia «Manhiejm» vyjhraŭ u «Karłavych Var» — 2:1 (pa bulitach), a zbornaja Kanady, składzienaja z hulajučych u Jeŭropie lehijanieraŭ, — u «Davosa» — 6:2. U pieršym matčy aŭtorka «Manhiejm» uziaŭ vierch nad kanadcami — 5:2.
Stanovišča kamand: «Dynama» — 4 bały (3 hulni; roźnica šajb 12‑4), «Manhiejm» — 4 (3; 8‑5), Kanada — 4 (3; 15‑13), «Davos» — 4 (3; 10‑11), «Karłavy Vary» — 2 (4; 10‑22).
U zaklučny dzień papiarednich spabornictvaŭ, 30 śniežnia, «Dynama» sustreniecca z Kanadaj, a «Davos» — z «Manhiejmam».
Za lubuju pieramohu kamandzie naličvajecca 2 bały, za paražeńnie ŭ oviertajmie ci sieryi bulitaŭ — 1 bał, za paražeńnie ŭ asnoŭny čas — 0.
Kamandy, jakija zaniali dva pieršyja miescy, vychodziać u finał, jaki adbudziecca 31 śniežnia.