Na miažy kanfiskavali i vystavili na aŭkcyjon rarytetny sportkar
Handlovy dom «Uschodni», jaki zajmajecca realizacyjaj kanfiskavanaj majomaści, vystaviŭ na aŭkcyjon rarytetny sportkar.
Fota: konfiskat.by
Heta Chevrolet Corvette vypusku 1976 hoda. Pradstaŭleny na tarhach łot — uzor treciaha pakaleńnia lehiendarnaj spartyŭnaj madeli. Pad kapotam aŭto — 5,7-litrovy ruchavik. Heta bazavy mator, a pa žadańni klijenta na sportkar stavili navat 7,3-litrovyja ahrehaty, zaŭvažyŭ blizko.by.
Prabieh u 48-hadovaha aŭtamabila nievialiki — usiaho 77 562 km. Jak adznačana ŭ apisańni, majucca «skoły, drapiny». Mašyna była kanfiskavanaja na litoŭska-biełaruskaj miažy (mužčyna pieravoziŭ narkotyki).
Startavy košt hetaha «Šeŭrale» skłaŭ 158.175 rubloŭ (49.500 dalaraŭ pavodle aktualnaha kursu). Pry hetym udzielniku aŭkcyjonu nieabchodna ŭnieści zadatak nie mienš za 10% ad pieršapačatkovaj cany łota. Adbuducca tarhi 12 studzienia.
Pra hety vypadak stała viadoma niekalki miesiacaŭ tamu: litoviec sprabavaŭ uvieźci ŭ Biełaruś 70 kh hašyšu.
Jon pajechaŭ pa «čyrvonym» kalidory, kab padać dekłaracyju na ŭvoz svajho aŭto. Pavodziny vyklikali padazreńni ŭ mytnikaŭ, i jaho adpravili na dadatkovy nadhlad. U vyniku ŭ lehkaviku znajšli połaść z 134 brykietami z hašyšam. Litoŭcu dali 15 hadoŭ źniavoleńnia.
Čytajcie taksama:
Rarytetny aŭtamabil koštam 610 tysiač rubloŭ sprabavali vyvieźci ź Biełarusi