Aniołki zaprašajuć na kancert
Kaladny kancert Vajciuškieviča i siabroŭ u KZ «Minsk» 7 studzienia.
Kaladny kancert Vajciuškieviča i siabroŭ u KZ «Minsk» 7 studzienia.
Na pravasłaŭnaje Rastvo ŭ kancertnaj zali «Minsk» hurt WZ-orkiestra i muzyki inšych kalektyvaŭ prezientujuć supolny kaladny albom «Moj siabra aniołak». Muzyku na słovy tekstaŭ Arcioma Kavaleŭskaha napisaŭ lider WZ-orkiestra Źmicier Vajciuškievič. Piesieńki pra aniołaŭ praśpiavali Śviatłana Bień z «Sieriebriannoj svad́by», Ksienija Minčanka — WZ-orkiestra, Aleś Zajcaŭ — «Bosaje sonca», Janka Maŭzier, Hanna Chitryk — «Dzieci dziaciej», Mikoła Pryłucki z teatra Janki Kupały dy inšyja. Siarod zvykłych instrumientaŭ Orkiestry časam čujucca huki elektrahitary Siarhieja Truchanoviča z «Kramy». U kolkich pieśniach śpiavajuć dzieci, siarod ich i Jazep Vajciuškievič. «Moj siabra Aniołak» adnaznačna pryjdziecca da dušy maładym baćkam. Darečy, pieśni z novaha albomu možna spampavać z admysłovaj internet-staronki. Tam ža možna daviedacca padrabiaznaści pra prajekt, jaki staŭ mahčymym u tym liku i dziakujučy dapamozie kiraŭnika Dabračynnaha fondu «Etničny hołas Amieryki» (ZŠA) Ireny Kalady-Śmirnovaj
Prychodźcie na kancert — aniołki zaprašajuć!