Za dva tydni na pažarach u Biełarusi zahinuli 47 čałaviek
Ministerstva pa nadzvyčajnych situacyjach ładzić mierapryjemstvy pa praduchileńni pažaraŭ.
Na pažary ŭ Słucku 8 studzienia zahinuli čatyry čałavieki. Fota: slutsk-gorod.by
Z pačatku 2024 hoda ŭ Biełarusi adbyłosia 278 pažaraŭ, na jakich zahinuli 47 čałaviek, paviedamiŭ 13 studzienia namieśnik načalnika hałoŭnaha ŭpraŭleńnia nahladu i prafiłaktyki Ministerstva pa nadzvyčajnych situacyjach Vasil Siŭčak.
Kab źviarnuć uvahu hramadzian na pytańni pažarnaj biaśpieki, 13-14 studzienia MNS «pravodzić šyrokamaštabnaje mierapryjemstva».
«U ramkach hetaha mierapryjemstva płanujecca naviedvańnie damoŭ hramadzian, tłumačeńnie patrabavańniaŭ pažarnaj biaśpieki pry ekspłuatacyi piačnoha aciapleńnia, niedapuščalnaści kureńnia ŭ stanie ałkaholnaha apjanieńnia, niedapuščalnaści pakidańnia dziaciej u niebiaśpiecy», — skazaŭ Siŭčak.
Taksama buduć pravieranyja aŭtanomnyja pažarnyja apaviaščalniki.