U Biełarusi źjaviłasia svajo Miortvaje mora. Dzie heta?
U Biełarusi raspracavali novy turystyčny maršrut pad nazvaj «Miortvaje voziera», raskazali ŭ efiry ANT.
Vadajom znachodzicca ŭ zakaźniku «Vydryca», niedaloka ad vioski Pahoncy, što ŭ Śvietłahorskim rajonie. Kažuć, tam nie vodzicca ryba, a na vodnaj roŭniadzi navat letam praktyčna niama nasiakomych.
Z vyšyni abrysy vadajoma — amal idealnaja forma akružnaści. A jašče chodziać lehiendy, što «Miortvaje voziera» maje padvojnaje dno.
Jość i čutki, źviazanyja ź im: pra staradaŭni chram, jaki źnik pad vadoj, pasieliščy i pryvid maładoj kniahini, jakuju časam bačać kala vady.
Pieršyja turysty ŭžo pabyvali ŭ hetym miescy i kažuć, što tam nibyta mocnaja enierhietyka.
Čytajcie taksama:
Ad vyspy da piramidy. Jakija małaviadomyja miescy varta naviedać u Biełarusi?