Pažar — u marskim porcie Uść-Łuha Leninhradskaj vobłaści. Rasijskija ŭłady havorać pra ataku ŭkrainskimi bieśpiłotnikami
Hubiernatar Leninhradskaj vobłaści Alaksandr Draździenka paviedamiŭ, što ŭ porcie Uść-Łuha adbyŭsia pažar. Praviedziena evakuacyja piersanału, paciarpiełych, zapeŭnivaje Draździenka, niama.
U Kinhisepskim rajonie vobłaści ŭviedzieny režym pavyšanaj hatoŭnaści.
Draździenka nie ŭdakładniŭ pryčynu pažaru ŭ porcie. Ale siońnia nočču telehram-kanał «Ostorožno, novosti» sa spasyłkaj na žycharoŭ Kinhisepa paviedamlaŭ, što tyja čuli huki bieśpiłotnikaŭ.
Minabarony Rasii toje, što adbyłosia ŭ porcie Uść-Łuha, pakul nie kamientavała.
Leninhradskaja vobłaść trapiła pad ataku bieśpiłotnikaŭ upieršyniu 18 studzienia. Da hetaha samaj paŭnočnaj i vydalenaj ad Ukrainy cellu aficyjna nazyvali Pskoŭskuju vobłaść.
Taksama pra načnyja ataki bieśpiłotnikaŭ siońnia paviedamili ŭłady Tulskaj vobłaści. Ministerstva abarony Rasii taksama pisała, što drony byli źbityja nad Arłoŭskaj i Smalenskaj abłaściami.
Ukrainskija ŭłady pakul nie kamientavali paviedamleńni ab bieśpiłotnikach, źbitych nad rasiejskimi rehijonami.
Čytajcie taksama:
«Chachoł, tabie p*** kankretna». Ukraincy źniščyli rasijskaha vajenkara VIDEA
Bieśpiłotnik skinuŭ vybuchoŭku na naftabazu ŭ Klincach Branskaj vobłaści
HUR Ukrainy: Ataka na naftabazu ŭ Leninhradskaj vobłaści była paśpiachovaj