U Niamieččynie złavili ŭkrainskaha piensijaniera z 455 000 jeŭra
Pryčym kupiury byli vyklučna na 20 i 50 jeŭra.
Fota: niamieckaja palicyja / Bild
U aeraporcie Miunchiena vybaračna spynili 66-hadovaha hramadzianina Ukrainy. Siarod adzieńnia ŭ jaho valizcy znajšli toŭstyja pački kupiur pa 20 i 50 jeŭra. Usiaho mužčyna pieravoziŭ 455 000 jeŭra. Jon źbiraŭsia vylecieć na Kipr, piša Bild.
Pry nadhladzie padarožnik paviedamiŭ, što ŭ jaho z saboj tolki 300 jeŭra. Zatym užo ŭ zonie pasadki da jaho padyšoŭ inšy mužčyna i pieradaŭ nievialiki čamadan. Heta vyklikała padazreńnie ŭ vartavych paradku.
Jak zajavili Bild u mytnaj słužbie, ciapier tam vyśviatlajuć, «ci źjaŭlajecca heta admyvańniem hrošaj, kamu jany naležać i adkul uzialisia».
U lubym vypadku ŭkrainiec bolš nie zmoža ich ubačyć. Chutčej za ŭsio, kupiury kanfiskujuć na karyść dziaržavy.
Čytajcie taksama:
U miunchienskim aeraporcie zatrymali Arnolda Švarcenehiera
Śpievaka Chulia Ihlesijasa zatrymali ŭ aeraporcie z čamadanam ježy