Kolki zarablaje Uładzimir Zialenski? Jahonyja dachody padajuć
Na sajcie prezidenta Ukrainy źjavilisia dekłaracyi ab dachodach i tratach za 2021 i 2022 hod. Kolki zarablaje Uładzimir Zialenski i jak jahony dabrabyt mianiajecca z hadami?
Zhodna z dekłaracyjaj za 2021 hod, dachody prezidenta Ukrainy i jaho siamiejnikaŭ składali 10 824 507 hryŭniaŭ (kala $396 tysiač). Pałovu hetaj sumy skłaŭ dachod ad prodažu ablihacyj unutranych dziaržaŭnych pazyk — 5 359 600 hryŭniaŭ (~$197 tysiač). Astatnija katehoryi — zarpłaty, pracenty banka i zdača nieruchomaści ŭ arendu.
U 2021 hodzie dachod Zialenskich źmienšyŭsia ŭ paraŭnieńni z 2020 hodam. Tady jany zarabili 11 922 320 hryŭniaŭ (~$434 tysiačy).
Zhodna z dekłaracyjaj 2022 hoda, dachody kiraŭnika Ukrainy i jaho siamiejnikaŭ składali 3 692 683 hryŭni (~$100 tysiač u pieraliku na siaredni kurs dalara ŭ 2022 hodzie). Dachody istotna źmienšylisia z-za časovaha spynieńnia damoŭ arendy paśla rasijskaha ŭvarvańnia.