Vićbič u Niamieččynie «abraziŭ» troch siłavikoŭ. Viarnuŭsia i atrymaŭ paŭtara hoda kałonii
Zaviaršalnaje pasiedžańnie ŭ dačynieńni da Dźmitryja Palakova prajšło 29 studzienia. Mužčyna abvinavačvaŭsia ŭ abrazie pradstaŭnikoŭ ułady — načalnikaŭ padraździaleńniaŭ milicyi.
Zhodna z pres-relizam suda, heta mužčyna rabiŭ u telehram-čacie 28 žniŭnia, 7 vieraśnia i 27 vieraśnia 2021 hoda, znachodziačysia ŭ Niamieččynie. Paźniej i sam čat byŭ pryznany ekstremisckim, paviedamlaje telehram-kanał «Viciebsk, ja hulaju».
Dźmitryja ŭžo padviarhali administracyjnamu pieraśledu ŭ kastryčniku 2023 hoda — tady jaho sudzili za pikiet u sacsietkach.
U vyniku sudździa Michaił Jurčanka asudziŭ Palakova na paŭtara hoda kałonii i aštrafavaŭ na 4000 rubloŭ, a taksama vypłatu kampiensacyi maralnaj škody na karyść traich paciarpiełych na 5500 rubloŭ.
Prysud jašče moža być abskardžany.
Čytajcie taksama:
U Hrodnie źnikła maci palitźniavolenaha Andreja Sačeŭki
Čarhovy prysud za danat Pałku Kalinoŭskaha — piać hadoŭ kałonii za 133 rubli
Barysaŭskamu fatohrafu Alaksandru Ziankovu prysudzili 3 hady kałonii