«U Viciebsku abłava»
Dvuch viciebskich aktyvistaŭ partyi Biełaruskaja chryścijanskaja demakratyja Valeryja Ramanienku i Alesia Hałavania da paniadziełka źmiaścili ŭ izalatar časovaha ŭtrymańnia.
Dvuch viciebskich aktyvistaŭ partyi Biełaruskaja chryścijanskaja demakratyja Valeryja Ramanienku i Alesia Hałavania da paniadziełka źmiaścili ŭ izalatar časovaha ŭtrymańnia. Na ich siońnia byli składzienyja pratakoły pa artykule 17 častka 2 Administracyjnaha kodeksu «Znachodžańnie pjanymi ŭ hramadskim miescy».
Hałavania milicyja zatrymała prosta ŭ centry horada, kali jon viartaŭsia z palikliniki. Potym dastavili ŭ Pieršamajski RUUS.
U vieraśni Alesia Hałavania zatrymlivali razam ź Siarhiejem Kavalenkam padčas pryjezdu ŭ horad nad Dźvinoj Patryjarcha Maskoŭskaha Kiryła.
Paźniej byŭ zatrymany i Valery Ramanienka. Jaho taksama dastavili ŭ pastarunak.
Sustaršynia BCHD Pavieł Sieviaryniec byŭ siońnia ŭ RUUSie, i razmaŭlaŭ z zatrymanymi. «Jany abodva ćviarozyja», — kaža P.Sieviaryniec.
Siońnia taksama ŭ Viciebsku siem sutak aryštu było prysudžana aktyvistu «Maładoj Biełarusi» Tarasu Surhanu.
Pavieł Sieviaryniec kaža:
«U Viciebsku idzie abłava na demakratyčnych aktyvistaŭ. Miascovyja ŭłady strašenna razzłavanyja bieł‑čyrvona‑biełym ściaham, što źjaviŭsia na centralnaj jołcy. Złyja, što byli vymušanyja vyzvalić Siarhieja Kavalenku.Vidavočna, što zatrymanych aktyvistaŭ buduć dapytvać pa hetaj kryminalnaj spravie. Adbyvajecca vidavočnaje biasčynstva».