Troje lidčukoŭ ździejśnili ŭzbrojeny napad na… cialatnik + fota
Kryminalnuju trojcu zatrymali pa haračych śladach, ciapier im pahražaje ad 6 da 15 hadoŭ źniavoleńnia z kanfiskacyjaj majomaści.
Kryminalnuju trojcu zatrymali pa haračych śladach, ciapier im pahražaje ad 6 da 15 hadoŭ źniavoleńnia z kanfiskacyjaj majomaści.
Rabočy ź fiermy demanstruje, jak jaho pakłali ŭ śnieh pad pahrozaj zbroi. Fota BIEŁTA
Troje mužčyn pranikli na fiermu SVK «Rasśviet-Myta» ŭ vioscy Navasiołki Lidskaha rajona kala 4 hadzin ranicy. Jany paśpieli zarezać dvuch cialat i paranili treciaha, kali niaklikanych haściej vyjavili rabotniki fiermy. Na patrabavańnie zdacca złamyśniki niečakana vychapili strelby i, pahražajučy zabić, pakłali vartaŭnika i achoŭnikaŭ na śnieh. Potym złačyncy pasprabavali zahruzić zabitych cialat ŭ mašynu, ale samastojna zrabić heta nie zmahli i prymusili rabotnikaŭ fiermy dapamahać. U hety momant ich napałochaŭ zahadčyk fiermy, jaki prajazdžaŭ pobač: kinuŭšy cialat, jany ŭciakli na svaim aŭtamabili.
Supracoŭniki RUUS paśla telefanavańnia ź fiermy adrazu ž uviali ŭ dziejańnie płany «Pierachop» i «Sirena». Užo ŭ 11.00 «Aŭdzi» złačyncaŭ vyjavili ŭ Lidzie, zatrymali dvaich z napadnikaŭ, a krychu paźniej i treciaha. Złamyśnikami apynulisia žychary Lidy, adzin 1973 hoda naradžeńnia, dvoje – 1980-ha. Adzin ź ich raniej užo byŭ asudžany za razbojny napad. Byli znojdzienyja taksama dźvie palaŭničyja strelby, pnieŭmatyčny pistalet i patrony. Datyčnaść zbroi, najaŭnaść dazvołaŭ na ich zachoŭvańnie, a taksama dačynieńnie zatrymanych da inšych złačynstvaŭ praviarajucca.
Raspačataja kryminalnaja sprava, zatrymanym pahražaje ad 6 da 15 hadoŭ źniavoleńnia z kanfiskacyjaj majomaści.