Adnakurśnicu Pucina pryznačyli staršynioj Viarchoŭnaha suda Rasii
Saviet Fiederacyi prahałasavaŭ za pryznačeńnie Iryny Padnosavaj na pasadu staršyni Viarchoŭnaha suda Rasii.
Iryna Padnosava. Fota: Novaja hazieta
Konkurs na hetuju pasadu byŭ abjaŭleny 1 sakavika, paśla taho jak 23 lutaha pamior Viačasłaŭ Lebiedzieŭ, jaki kiravaŭ sudom z 1989 hoda (tady heta jašče byŭ Viarchoŭny sud RSFSR).
71-hadovaja Padnosava była namieśnikam Lebiedzieva na pasadzie kiraŭnika Sudovaj kalehii pa ekanamičnych sprečkach.
U 1975 hodzie jana skončyła jurydyčny fakultet Leninhradskaha dziaržuniviersiteta imia Ždanava adnačasova z Uładzimiram Pucinym.
Da pierachodu ŭ Viarchoŭny sud Rasii Padnosava ŭznačalvała Leninhradski abłasny sud i Druhi apielacyjny sud ahulnaj jurysdykcyi, piša Bi-bi-si.