Ninie Bahinskaj dali hihancki štraf
Padstavaj dla abvinavačańnia staŭ značok z vyjavaj nacyjanalnaha ściaha, jaki byŭ na vopratcy Bahinskaj. Toje, što spadarynia Nina mieła na kaŭnieryku maleńki značok, milicyjanty kvalifikavali jak «niesankcyjanavany pikiet», piša Biełsat.
Nina Bahinskaja. Fota: Biełsat
Sudździa Alaksandr Supičenka ŭ svajoj pastanovie napisaŭ, što «značok biełaha koleru z vyjavaj biełaha i čyrvonaha koleru» padlahaje źniščeńniu, i pakaraŭ spadaryniu Bahinskuju materyjalna, pryznačyŭšy štraf 2000 rubloŭ.
Sudździu nie źbiantežyła, što pamier štrafu nijakim čynam nie adpaviadaje pamieru piensii žančyny, jakaja maje šerah ciažkich zachvorvańniaŭ.