Tvarožnaja pascha z čornymi parečkami 

Zhuščonka dadaść sałodkaści, a čornyja parečki — lohkuju kiślinku i pryjemny jahadny smak. Idealna!

Foto: instagram kat.cooking.diary

Spatrebicca:

• tvaroh — 400 h
• čornyja parečki — 200-250 h
• zhuščonka — 250 h
• rastoplenaje masła — 150 h
• cukrovaja pudra ci vanilny cukar pa žadańni
• formačka / papiarovy abo płastykavy kubak ci niešta padobnaje (kab ź jaho vyciakała syrovatka, na dnie treba prarabić adtuliny)
• marla

Jak hatavać:

1. Čornyja parečki zdrabnicie ŭ blendary, pierakładzicie ŭ nievialiki rondal i razahrejcie na nievialikim ahni. Prapuścicie jahady cieraź sita — usio, što zastaniecca ŭ sicie, možna vykinuć, a prapuščanaje jahadnaje piure treba astudzić.
2. Źmiašajcie tvaroh, raścierty da adnastajnaści, zhuščonku i masła. Dadajcie da hetaha jahadnaje piure i znoŭ raźmiašajcie blendaram. Možna dadać cukrovuju pudru.
3. Zaścialicie formu marlej i pierakładzicie tvarožna-jahadnuju masu ŭ formu. Pakińcie ŭ ladoŭni na 8 hadzin, kab tvaroh jak śled ŭščylniŭsia. Čas ad času varta źlivać syrovatku, jakaja budzie vyciakać na talerku.
4. Hatovuju paschu možna ŭpryhožyć liścikami miaty.

Kamientary da artykuła