MTS z 15 maja mianiaje ŭmovy dostupu ŭ internet

Z 15 maja MTS budzie aceńvać vykarystańnie mabilnaha internetu z boku karystalnikaŭ.

Kali ŭ kampanii źjaviacca padstavy mierkavać, što čałaviek vykarystoŭvaje pasłuhu «niadobrasumlenna», to jamu parekamiendujuć źnizić spažyvańnie internet-trafiku. U vypadku, kali klijent praihnaruje paviedamleńnie, to kampanija MTS moža «skarektavać chutkaść internet-trafiku da kanca miesiaca».

Mabilny apieratar tłumačyć, što takoje novaŭviadzieńnie zakranie tych, chto vykarystoŭvaje bolš za 100 HB internetu i nie vykonvaje patrabavańni ŭkazaŭ Łukašenki «Ab mierach pa ŭdaskanaleńni vykarystańnia nacyjanalnaha siehmienta sietki Internet» i «Ab udaskanaleńni paradku pieradačy paviedamleńniaŭ elektrasuviazi».

Akramia taho, z 15 maja istotna padaražejuć pasłuhi dla fizičnych asob i kampanij. U pryvatnaści, pavysicca košt roŭminhu, mižnarodnaj suviazi, a taksama inšych servisnych pasłuh.

Padaražeje i fiksavany internet dla fizičnych dy jurydyčnych asob. Naprykład, ciapier taryf «Chatni Kanekt 4» kaštuje 31 rubiel u miesiac, ale ŭžo z 15 traŭnia daviadziecca zapłacić amal na tracinu bolš — 42 rubli. Bolš stanuć kaštavać i inšyja pasłuhi pa nadańni internetu.