Žychar Minskaj vobłaści sprabavaŭ skraści mašynu mietadam z kino
Mužčyna patłumačyŭ, što byŭ pjany.
Skrynšot ź videa milicyi Minska
Žychar Minskaj vobłaści pasprabavaŭ skraści mašynu mietadam, jaki padhledzieŭ u kino.
27-hadovy mužčyna adnojčy viartaŭsia dadomu z bara. Jon vyrašyŭ patuzać ručki pryparkavanych aŭto. Raptam adna z mašyn adkryłasia, paviedamlaje staličnaja milicyja.
Mužčyna sieŭ u aŭtamabil i vyrašyŭ jaho skraści. Zavieści mašynu jon pasprabavaŭ nietryvijalnym sposabam: złučyć pravady zamka i zapalvańnia. Adnak aŭto nie zaviałosia, i mužčyna ŭciok.
Nieŭzabavie jaho znajšli milicyjanty. Fihurant tłumačyŭ svaje pavodziny tym, što byŭ pjany. U dačynieńni da jaho raspačali kryminalnuju spravu za sprobu kradziažu mašyny.