Amierykaniec, jaki znachodzicca ŭ vyšuku za šturm Kapitolija, adkryvaje restaran u Breście
U mieniu buduć amierykanskija stravy.
Evan Ńjuman — udzielnik šturmu Kapitolija ŭ studzieni 2021 hoda. Za heta jon staŭ abvinavačanym pa šaści kryminalnych spravach i ŭciok z SŠA, pakinuŭšy žonku i dziaciej.
Ciapier Ńjuman žyvie ŭ Breście i źbirajecca adkryvać restaran
«Tut u nas budzie bar, tut kuchnia. Ja chaču, kab naviedvalniki bačyli, z čaho składajecca ich strava — takaja voś kuchonnaja demakratyja. Tamu kuchar budzie rychtavać prosta na stale», — raskazaŭ jon u efiry STB.
U mieniu buduć tolki najlepšyja amierykanskija stravy, abiacaje Ńjuman.
Atrymlivać status biežanca jon nie choča, spadziajecca na biełaruskaje hramadzianstva.
Hod tamu pra Ńjumana ŭzhadvali, kali jon uładkavaŭsia nastaŭnikam u škołu zamiežnych movaŭ u Breście.