Kala Ejfelevaj viežy znajšli piać trunaŭ, abhornutych u francuzskija ściahi
Na ich byli nadpisy «francuzskija sałdaty va Ukrainie». Za hetu pravakacyju aryštavali troch čałaviek.
Ilustracyjny zdymak. Fota: commons.wikimedia.org
U subotu ranicaj try čałavieki pakinuli piać trunaŭ u naturalnuju vieličyniu na nabiarežnaj ŭ Paryžy kala Ejfielevaj viežy. U trunach byŭ hips, paviedamlaje AFP.
Kiroŭcu furhona, jaki pieravoziŭ truny, aryštavali niepadalok. Jon raspavioŭ palicyi Paryža, što jamu zapłacili 40 jeŭra za toje, kab jon advioz dvuch inšych ludziej i ich hruz. Kiroŭca prybyŭ z Bałharyi napiaredadni ŭviečary.
Jašče dvuch fihurantaŭ zatrymali paźniej na inšym kancy Paryža — na aŭtavakzale Biersi, dzie jany źbiralisia sieści na rejs u Bierlin. Adzin z zatrymanych byŭ ukraincam, a druhi — niemcam.
Takaja pravakacyja mahła stać adkazam na abmierkavańnie mahčymaj adpraŭki zachodnich vojsk va Ukrainu.