Dziaržchakiery ź Biełarusi atakavali Minabarony Ukrainy
Kampanija Cyble, jakaja zajmajecca kibierbiaśpiekaj, apublikavała spravazdaču ab atacy chakierskaj hrupoŭki UNC1151 na Ministerstva abarony Ukrainy. Dla praniknieńnia vykarystoŭvaŭsia dakumient-prynada.xls i fajły malunkaŭ dronaŭ, piša Reform.news.
Ilustracyjnaje fota: ahienctva «Vajar»
Fišynhavaja rassyłka z škodnasnymi ŭkładkami, na dumku daśledčykaŭ Cyble, była ažyćcioŭlena chakierami, jakija finansujucca łukašenkaŭskim režymam, z hrupoŭki UNC1151/Ghostwriter/Storm-0257. Hrupoŭka viadomaja z 2017 hoda i śpiecyjalizujecca na napadach u rehijonach Centralnaj i Uschodniaj Jeŭropy.
Pryncyp ataki dosyć prosty — achviara atrymlivaje list z fajłami-prynadami. Kali karystalnik sprabuje adkryć fajł z pašyreńniem.xls, jamu prapanujecca zapuścić ubudavany makras. Heta dazvalaje chakieru zahruzić na kampjutar achviary škodnasny kod i atrymać niesankcyjanavany dostup.
U krasaviku 2023 hoda polskaje abaronnaje viedamstva vyjaviła ataku biełaruskaj kibierhrupoŭki UNC1151. Hrupoŭka praviała apieracyju pa dezynfarmacyi, jakaja zaklučajecca ŭ raspaŭsiudzie paviedamleńniaŭ ab mahčymym nabory ŭ litoŭska-polska-ŭkrainskuju bryhadu imia vialikaha hietmana Kanstancina Astrožskaha.
Čytajcie taksama:
Za paŭhoda ŭ Polščy zatrymali 18 čałaviek za suviazi z rasijskimi i biełaruskimi śpiecsłužbami
Infarmacyja pra adpraŭnikaŭ SDEK trapiła ŭ adkryty dostup paśla zboju servisu
U Rasii adbyŭsia maštabny zboj ŭ pracy elektronnych servisaŭ, vierahodny ŭkrainski śled