U viciebskim Letnim amfiteatry sabrali piacitysiačnuju masoŭku, a paśla jaje evakujavali
U Viciebsku praviali maštabnuju treniroŭku ratavalnikaŭ i ŭsich ekstrannych słužbaŭ abłasnoha centra. Jana, jak paviedamlajecca, prajšła ŭ ramkach padrychtoŭki da forumu rehijonaŭ Biełarusi i Rasii i fiestyvalu «Słavianski bazar u Viciebsku».
Sioleta ŭ vučeńniach upieršyniu pryniali ŭdzieł bolš za 5 tysiač haradžan, dziakujučy čamu chacieli stvaryć realnuju karcinu evakuacyi z hladzielnaj zały ŭ vypadku nadzvyčajnaj situacyi.
Takuju maštabnuju evakuacyju viciebskija ratavalniki praviali ŭpieršyniu, adznačaje pres-słužba MNS. Dla jaje zadziejničali 16 adzinak techniki i bolš za 70 ratavalnikaŭ.
Sabrać takuju aŭdytoryju, jak adznačajuć u MNS, było niaprosta, adnak pry najaŭnaści nieabmiežavanaha administracyjnaha resursu ničoha niemahčymaha niama.
Pavodle lehiendy, pažar uspychnuŭ pasiarod hladzielnaj zały ŭ pamiaškańni radyjosietki padčas kancertu, «zaharełasia» taksama na druhim paviersie administracyjnaha korpusa.
Čytajcie taksama:
Kala Rečycy cysterna z palivam ruchnuła z mosta cieraz Dniapro