Zialenski ŭhavaryŭ Saudaŭskuju Araviju ŭziać udzieł u Samicie miru
Kiraŭnik Ofisa prezidenta Ukrainy Andrej Jarmak paviedamiŭ žurnalistam, što Uładzimiru Zialenskamu ŭdałosia pierakanać Saudaŭskuju Araviju pryniać udzieł u Samicie miru, jaki hetymi dniami prachodzić u Šviejcaryi. Adpaviednaje videa apublikavaŭ telekanał weukraine.tv.
Andrej Jarmak. Skrynšot ź videa
Pavodle słoŭ ukrainskaha čynoŭnika, heta stała mahčymym «u vyniku ciažkaj pracy ŭsioj kamandy na čale z prezidentam Zialenskim». Nijakich dadatkovych padrabiaznaściaŭ jon nie pryvioŭ.
Raniej paviedamlałasia, što Zialenski naviedaŭ Saudaŭskuju Araviju i sustreŭsia tam sa spadkajemcam tronu, premjer-ministram krainy Muchamiedam bin Sałmanam al Saudam.
Čytajcie taksama:
Udzieł u Samicie miru paćvierdzili kala 90 krain i mižnarodnych arhanizacyj
U Kijevie paradavalisia, što ŭ mirnym samicie pa Ukrainie voźmie ŭdzieł vice-prezident ZŠA
Rasija namahajecca sarvać Samit miru, a Kitaj vystupaje instrumientam u rukach Pucina — Zialenski