Bjanka admianiła try kancerty ŭ Hiermanii, a potym pieradumała
Što raźjušyła niekali papularnuju biełaruskuju śpiavačku?
Biełaruskaja i rasiejskaja śpiavačka Bjanka (sapraŭdnaje imia Taćciana Lipnickaja) skazała ŭ sacsietkach pra admienu troch kancertaŭ u Niamieččynie praz arhanizataraŭ, piša kp.ru.
Vykanaŭca raspaviała, što kancerty ŭ Hiermanii pavinny byli adbycca 22 červienia, adnak z-za hreblivaha staŭleńnia z boku arhanizataraŭ, a taksama pa pryčynie nievykanańnia rajdera ŭ poŭnym pamiery ich było vyrašana admianić.
Bjanka ŭdakładniła, što zakazčyki nie zmahli zabraniravać rejs dla aptymalnaha pieralotu, padaŭšy samyja tannyja avijabilety na 14 hadzin biez adkidnoj śpinki i charčavańnia na borcie.
— Ja vymušanaja na łožku razam ź vizažystam farbavacca i rychtavacca da kancertu, bo miesca prosta niama, — aburana kazała śpiavačka.
Bjanka pryznałasia, što pieražyła dva niervovyja zryvy, paničnuju ataku. Jana dadała, što arhanizatary nie vybačylisia.
— Ja ŭsio heta ciarpieła vielmi doŭha, bo hetych arhanizataraŭ ja viedała z 18 hadoŭ.
Paźniej Lipnickaja skazała, što kancerty ŭ Hiermanii 22 červienia adbuducca.
— Znajšoŭsia adekvatny zakazčyk, jaki pravioŭ hutarku z byłym zakazčykam. Mnie vystavili moj rajdar, jaki pieršapačatkova byŭ. Vykanali ŭsie ŭmovy pa łahistycy, pa techničnym rajdery. Kancerty adbuducca. Ja vielmi rada!
Čytajcie taksama:
Śpiavačka Bjanka schudnieła da niepaznavalnaści FOTA
«Zakryčała tak, što ŭ Minsku było čuvać». Śpiavačku Bjanku sprabavali skraści ŭ centry Maskvy