Bolš za 140 čałaviek paranienyja na plažy ŭ Krymie, kudy prylacieli askiepki źbitaj rakiety

Kiraŭnik administracyi anieksavanaha Sievastopala Michaił Razvazžajeŭ paviedamiŭ ab rakietnym udary pa horadzie, naniesienym 23 červienia. Pa jaho słovach, usie piać «pavietranych celaŭ» udałosia źbić, ale ich abłomki «ŭpali va ŭźbiarežnaj zonie». 

Skryn videa sacsietak

Minabarony Rasii zajaŭlała, što źbiła čatyry rakiety, a piataja ŭzarvałasia ŭ pavietry.

«U rajonie Učkujeŭki 12 čałaviek, u tym liku dvoje dziaciej atrymali askołačnyja ranieńni. U Lubimaŭcy pavodle papiaredniaj infarmacyi askołačnyja ranieńni atrymali 2 čałavieki», — napisaŭ spačatku Razvazžajeŭ u telehram-kanale.

Paźniej paviedamlałasia, što kolkaść zahinułych vyrasła da 4 čałaviek: zahinuli dvoje dziaciej i dvoje darosłych. Kolkaść paranienych vyrasła skłała bolš za 140 čałaviek.

Paviedamlajecca, što adna z zahinułych u Sievastopali — 9-hadovaja dačka namieśnika mera Mahadana Aleha Aviarjanava. Jana adpačyvała z baćkami na plažy.

Akramia taho, pa słovach Razvazžajeva, z-za abłomkaŭ, jakija ŭpali, zahareŭsia les u rajonie pansijanata «Łazur».

«Užo 15 chutkich pryjechała va Učkujeŭku, u tym liku i z vajskovymi čornymi numarami», — piša kanał «Krymski viecier».

Rasija tym časam siońnia abstrelvaje Charkaŭ. Viadoma pra adnaho zahinułaha i minimum čatyroch paranienych.

Kamientary da artykuła