Va Uździenskim rajonie pačałasia restaŭracyja ŭnikalnaha abjekta — kolišniaha kalvinskaha zboru
U Kuchcičach (ciapier pasiołak Piervamajsk Uździenskaha rajona) pačali restaŭravać kolišni kalvinski zbor, piša kanał «Spadčyna».
U Kuchcičach (ciapier pasiołak Piervamajsk Uździenskaha rajona) pačali restaŭravać kolišni kalvinski zbor/ Fota: spadczyna / Telegram
Zbor pabudavany ŭ 1560—1570-ja hady pa fundacyi tahačasnaha ŭładalnika majontka Macieja Kaviačynskaha, paplečnika Symona Budnaha.
Chram nievialiki, ale adroźnivajecca niezvyčajnaj formaj, kali kalvinski zbor u Smarhoni vaśmihranny ŭ płanie, to zbor u Kuchcičach ažno dvanaccacihranny.
U XVIII st. chram byŭ rekanstrujavany, jak śćviardžajecca, architektaram Karłam Spampani i nabyŭ baročnyja i kłasicystyčnyja rysy. Hetak była dabudavana ałtarnaja častka, dźvie viežki abapał uvachodnaj častki i zvanica. Chram słužyŭ pachavalniaj dla ŭładalnikaŭ majontka.
Paśla 1939 hoda na bazie majontka zjaviŭsia saŭhas «Kuchcičy», a zbor staŭ ekspłuatavacca jak haspadarčaja budova.
U apošnija hady kompleks i chram, jaki siońnia raźmieščany na terytoryi Uździenskaha dziaržaŭnaha kaledža, stajali zakinutyja i ich biespaśpiachova sprabavali pradać.
Chram na aŭkcyjonie vykupiła Jevanhieličnaja carkva, jakaja płanuje znoŭ zrabić jaho dziejnym.
Čytajcie taksama:
Stała viadoma, na jakim etapie ciapier restaŭracyja pałaca Horvataŭ u Naroŭli