Ad pachavalnych śviečak zaharełasia kvatera
Supracoŭniki MNS vyratavali šeść čałaviek i evakujavali 20 čałaviek sa šmatpaviarchovaha doma ŭ Minsku, u adnoj z kvater jakoha padčas praviadzieńnia pachavańnia ŭźnik pažar.
Pra heta paviedamiŭ pres‑sakratar Minskaha haradskoha ŭpraŭleńnia Ministerstva pa nadzvyčajnych situacyjach Alaksandr Łapanik.
Pavodle jaho słoŭ, uviečary 1 lutaha ratavalnikam pastupiła paviedamleńnie pra ŭzharańnie ŭ trochpakajovaj kvatery na siomym paviersie dzieviacipaviarchovaha doma pa vulicy Hromava, 36.
Pryčynaj pažaru stali rytualnyja śviečki, ad jakich zaharelisia vianki.
Jak paviedamiŭ Łapanik, z vośmaha paviercha byli evakujavany šeść čałaviek, u tym liku piaciora dziaciej ad 6 da 12 hadoŭ, z šostaha paviercha evakujavany 20 čałaviek.