Takier Karłsan anansavaŭ intervju ź Zialenskim
Amierykanski žurnalist Takier Karłsan paviedamiŭ u tvitary, što nieŭzabavie moža zjavicca jahonaje intervju z prezidentam Ukrainy Uładzimiram Zialenskim.
Takier Karłsan. Fota: Gavriil Grigorov, Sputnik, Kremlin Pool Photo via AP
«Padobna, u nas jość intervju ź Zialenskim», — napisaŭ Karłsan. Jon dadaŭ, što damovicca ab hetym intervju sprabavaŭ na praciahu dvuch hadoŭ, a z asablivaj intensiŭnaściu paśla intervju z Pucinym u lutym.
«Sprava ŭ tym, kab danieści da amierykancaŭ vielmi nieabchodnuju infarmacyju ab kanflikcie, jaki poŭnaściu mianiaje pazicyju ich krainy ŭ śviecie. My spadziajemsia, što heta adbudziecca nieŭzabavie», — napisaŭ jon.
9 lutaha intervju Karłsanu daŭ Uładzimir Pucin, dzie ŭ čarhovy raz zajaviŭ, što ŭkraincy — heta tyja ž ruskija, a Ukrainy jak takoj nie isnuje. Karłsan u padkaście inšaha amierykanskaha žurnalista raspavioŭ pra svaje ŭražańni ad intervju z Pucinym i pryznaŭ, što Kreml sprabuje demanizavać ukraincaŭ, nazyvajučy ich nacystami. «Ja dumaju, heta samaje tupoje, što ja kali-niebudź čuŭ», — vykazaŭ svajo mierkavańnie Karłsan.
Čytajcie taksama:
Pavieł Duraŭ daŭ intervju Takieru Karłsanu
«Denacyfikacyja — samaje tupoje, što ja čuŭ» — Takier Karłsan pra intervju z Pucinym
Jakija histaryčnyja dakumienty pra Ukrainu Pucin pakazaŭ Karłsanu