Kolki chleba i małaka možna było kupić na miljon u 2014 hodzie i kolki ciapier — na toj denaminavany miljon

Kolki praduktaŭ pieršaj nieabchodnaści možna było nabyć 10 hadoŭ tamu na miljon niedenaminavanych rubloŭ i kolki tych ža tavaraŭ źmieścicca ŭ 100 rubloŭ ciapier, padličyła BAR24.

Fota: BAR24

Vosiem hadoŭ tamu, u vyniku denaminacyi 1 lipienia 2016 hoda ŭ Biełarusi, miljon biełaruskich rubloŭ pieratvaryŭsia ŭ sotniu. Da cen bieź lišnich nuloŭ biełarusy z časam pryvykli. Ale toje, jak źmianiłasia pakupnickaja zdolnaść biełaruskich hrošaj za hety čas, mała chto padličvaŭ. 

BAR24 znajšoŭ čeki z baranavickich kram za lipień 2014 hoda. I vyrašyŭ padličyć, kolki chleba i małaka možna było nabyć tady na 1 miljon rubloŭ. 

Takim čynam, u lipieni 2014 hoda pałova baranavickaha chleba ŭ baranavickich ža kramach kaštavała 7400 rubloŭ. A litr małaka miascovaj vytvorčaści tłustaściu 3,2% pradavali za 7450 rubloŭ. 

Atrymlivajecca, što na 1 miljon 10 hadoŭ tamu možna było nabyć 135 pałovak čornaha chleba. Abo 134 litry małaka. 

U lipieni 2024 hoda padobny chleb baranavickaj vytvorčaści pradajuć za 1 rubiel 44 kapiejki. A małako ŭ Baranavičach i ŭvohule bolš nie vyrablajuć. Ale pakiet małaka taho ž abjomu i toj ža tłustaści ad inšaha vytvorcy kaštuje 2 rubli 4 kapiejki. 

Na 100 rubloŭ siońnia možna nabyć 69 pałavinak chleba. Abo 49 litraŭ małaka. 

Vychodzić, što praz 10 hadoŭ na 100 rubloŭ u Biełarusi možna kupić udvaja mienš chleba i amal utraja mienš małaka, čym kaliści na miljon.

Kamientary da artykuła