Minabarony Rasii prakamientavała siońniašnija ŭdary pa Ukrainie
Minabarony RF zajaviła, što naniesła hrupavy ŭdar pa abjektach vajskovaj pramysłovaści Ukrainy i avijacyjnych bazach USU ŭ adkaz na sproby naniasieńnia škody abjektam rasijskaj enierhietyki i ekanomiki.
Paciarpiełyja ŭ Nacyjanalnaj dziciačaj śpiecyjalizavanaj balnicy «Achmatdziet»
Mety ŭdaru dasiahnutyja, zajaŭlaje Minabarony RF.
Zajavy ŭkrainskaha boku pra rakietny ŭdar Rasii pa hramadzianskich abjektach Minabarony RF patłumačyła, što jany «absalutna nie adpaviadajuć rečaisnaści».
«Šmatlikija apublikavanyja fota i videakadry z Kijeva adnaznačna paćviardžajuć fakt razbureńniaŭ z pryčyny padzieńnia ŭkrainskaj rakiety SPA», śćviardžaje rasijskaje viedamstva.
Siońnia rankam rasijanie masiravana atakavali rakietami Ukrainu. Pavodle Uładzimira Zialenskaha, było vypuščana bolš za 40 rakiet. «Roznyja harady: Kijeŭ, Dniepr, Kryvy Roh, Słaviansk, Kramatorsk. Bolš za 40 rakiet roznych typaŭ. Paškodžanyja žyłyja damy, infrastruktura i dziciačaja balnica», — napisaŭ Zialenski.
Rakieta trapiła ŭ najbujniejšuju dziciačuju balnicu Kijeva.
Na hety momant viadoma pra 9 zahinułych u Kijevie i 11 — u Kryvym Rozie.
Čytajcie taksama:
Hałoŭkam VMS Ukrainy: Rasija hublaje krymski chab u Čornym mory