Kamała Charys aficyjna zajaviła, što idzie ŭ prezidenty
Da prezidenckich vybaraŭ u ZŠA zastałosia roŭna 100 dzion.
Fota: Andrew Harris / Getty Images
Vice-prezident ZŠA Kamała Charys aficyjna abviaściła pra namier damahacca vyłučeńnia svajoj kandydatury ad Demakratyčnaj partyi na vybarach kiraŭnika dziaržavy.
«Ja — Kamała Charys, i ja bałatujusia na pasadu prezidenta ZŠA», — napisała jana ŭ X (były Twitter).
Taksama palityk apublikavała ahitacyjny rolik i zaklikała suhramadzian finansavać jaje kampaniju.
Prezidenckija vybary ŭ ZŠA projduć u aŭtorak, 5 listapada 2024 hoda. Da ich zastałosia roŭna 100 dzion.
Kandydaturu Charys pavinien zaćvierdzić źjezd Demakratyčnaj partyi, jaki projdzie 19 žniŭnia. Kandydatam ad Respublikanskaj partyi budzie Donald Tramp, jaki byŭ prezidentam u 2017-2021 hadach i prajhraŭ u listapadzie 2020 hoda vybary Bajdenu.
Jašče nikoli žančyna nie stanaviłasia za 235 hadoŭ prezidentam ZŠA. U listapadzie 2016 hoda Chiłary Klintan prajhrała vybary Trampu, nabraŭšy bolšaść hałasoŭ ludziej, ale sastupiŭšy pa kolkaści hałasoŭ vybarščykaŭ.
Čytajcie taksama:
Charys apiaredžvaje Trampa: 44% suprać 42% — pieršaje apytańnie paśla źniaćcia Bajdena
Chto takaja Kamała Charys — kandydatka ŭ prezidenty ZŠA ad demakrataŭ zamiest Bajdena