Muzyku Dźmitryja Šałaka asudzili da troch z pałovaj hadoŭ kałonii
Z 1 pa 8 žniŭnia sudździa Navapołackaha haradskoha suda Taćciana Chrypač raźbirała spravu bubnača navapołackaha hurta Paranoia Dolls Dźmitryja Šałaka i vyniesła pa joj prysud, piša «Viciebskaja viasna».
Dźmitryj Šałak
Pavodle materyjałaŭ kryminalnaj spravy, Dźmitryj Šałak ź lipienia 2021 hoda pa krasavik 2022 hoda ŭ roznych telehram-supołkach raźmiaściŭ z mabilnaha telefona šerah kamientaroŭ. U ich nibyta ŭtrymlivalisia «vyražanyja ŭ nieprystojnaj formie abrazy ŭ adras kiraŭnika dziaržavy, a taksama pradstaŭnikoŭ ułady».
Sud pryznaŭ Dźmitryja Šałaka vinavatym pavodle č. 1 art. 368 KK (abraza Łukašenki) i pavodle art. 369 KK (abraza pradstaŭnika ŭłady).
U vyniku Dźmitryja asudzili da troch z pałovaj hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ahulnaha režymu i da štrafu pamieram 200 bazavych vieličyniaŭ (8 tysiač rubloŭ). Sioleta ŭ lutym mužčyna ŭžo byŭ asudžany pa hetych samych kryminalnych artykułach.
Čytajcie taksama:
Piensijaniercy z Bresta dali try z pałovaj hady kałonii za dapamohu palitviaźniam
Za čatyry hady z pačatku pratestaŭ zatrymali 65 tysiač čałaviek