Viadomy repier vyratavaŭ ad bankructva kłub italjanskaj Sieryi A

Drejk finansava padtrymaŭ «Vieniecyju».

Fota: instahram Drejka

Novy siezon najmacniejšaj lihi Italii startuje ŭžo ŭ najbližejšyja vychodnyja. «Vieniecyja», jakaja viarnułasia ŭ Sieryju A, u matčy 1-ha tura 18 žniŭnia zhulaje z «Łacya».

U minułym siezonie kłub ź Vieniecyi zmahaŭsia z surjoznymi finansavymi prablemami i znachodziŭsia na miažy bankructva.

Z-za składanaj situacyi saŭładalnik kłuba Bred Kacujama źviazaŭsia sa svaim siabram Metam Babielem, jaki źjaŭlajecca členam kamandy viadomaha repiera Drejka. Krynica paviedamlaje, paśla hetaha muzykant vyrašyŭ padtrymać kłub.

«Vieniecyi» treba było 43 miljony dalaraŭ, kab paźbiehnuć bankructva. Drejk i inšyja inviestary pieraviali hrošy na rachunak vieniecyjanskaj kamandy. U vyniku kłubu ŭdałosia praduchilić finansavy krach, piša football.by.

Kamientary da artykuła