Ministr abarony zajaviŭ «pra vysokuju vierahodnaść uzbrojenych pravakacyj z boku Ukrainy»
Łukašenka sklikaŭ siońnia ź siłavikami naradu pa vajennaj biaśpiecy.
Fota: Puł pieršaha
«Jak mnie ministr zaŭsiody dakładvaje i dziaržsakratar, staršynia KDB, my hatovyja, całkam hatovyja, kab procidziejničać lubym pahrozam, jakija isnujuć suprać Biełarusi. Ja tak razumieju, dla adbićcia vierahodnych hadaściaŭ (ja nie chaču skazać napadaŭ, udaraŭ) u dačynieńni da Biełarusi ŭ nas jość usio», — skazaŭ Łukašenka.
«Paśla padziej z hetymi bieśpiłotnikami my ŭzmacnili kantrol na biełaruska-ŭkrainskaj miažy. Bolš za toje, my vyvieli tudy častki našaj armii. Jakaja ciapier abstanoŭka na miažy, ci ŭsie padraździaleńni vyviedzienyja ŭ rajon kancentracyi vojskaŭ na niespadziavany vypadak? Materyjały ja atrymaŭ, karta ŭ mianie adpaviednaja jość. Ja prašu dałažyć nie tolki abstanoŭku, ale i raźvićcio situacyi, vašy prapanovy, što budziem rabić tut dalej», — zadaŭsia pytańniem Łukašenka.
Ministr abarony Viktar Chrenin zajaviŭ pra vysokuju vierahodnaść uzbrojenych pravakacyj z boku Ukrainy.
«Stanovišča na paŭdniovym apieracyjnym kirunku zastajecca napružanym. Farmavańni Uzbrojenych sił i pamiežnaj słužby Ukrainy praciahvajuć udaskanaleńnie sistemy achovy miažy i elemientaŭ ešałanavanaj abarony. Na ŭsich učastkach uzdoŭž dziaržaŭnaj miažy Respubliki Biełaruś adznačajecca aktyŭnaja dziejnaść padraździaleńniaŭ sił śpiecyjalnych apieracyj i Słužby biaśpieki Ukrainy», — zajaviŭ kiraŭnik Minabarony.
Jon taksama dałažyŭ, što z ukrainskaha boku bieśpierapynna viadziecca raźviedka, dla čaho nibyta aktyŭna vykarystoŭvajucca bieśpiłotnyja latalnyja aparaty, u tym liku sa sprobami parušeńnia pavietranaj prastory Biełarusi.
«Va ŭmovach prysutnaści ŭkrainskich uzbrojenych farmiravańniaŭ u pryhraničnych rajonach zachoŭvajecca vysokaja vierahodnaść padrychtoŭki i praviadzieńnia na našaj terytoryi ŭzbrojenych pravakacyj, a taksama rezanansnych akcyj, u tym liku z zadziejničańniem biełaruskich nacyjanalistyčnych farmiravańniaŭ», — skazaŭ Viktar Chrenin.
Čytajcie taksama:
Kačanava nakazała, kab u Minsku byŭ idealny paradak
«Nam z Pucinym navat niazručna pra heta kazać». Łukašenka raskazaŭ, ci prymienić jadziernuju zbroju
«Davajcie skončym hetuju dračku». Łukašenka znoŭ načapiŭ tohu miratvorca