Były mieniedžar Twitter atrymaŭ $600 000 za toje, što nie adkryŭ list Iłana Maska

Na słuchańniach Hary Runi rastłumačyŭ, što bajaŭsia adkryvać list z-za mahčymych škodnasnych prahram.

Fota: Dimitrios Kambouris / Getty Images

Były supracoŭnik Twitter atrymaŭ kampiensacyju ad kampanii paśla zvalnieńnia z-za taho, što nie adkazaŭ na elektronny list Iłana Maska, źviarnuŭ uvahu Devby.io.

Hary Runi pracavaŭ u jeŭrapiejskim ofisie Twitter u Dublinie z 2013 hoda, na momant zvalnieńnia jon zajmaŭ pasadu dyrektara pa zabieśpiačeńni. U listapadzie 2022 hoda, paśla pakupki sacsietki Iłanam Maskam, supracoŭniki atrymali list ad biznesoŭca, jaki ŭtrymlivaŭ patrabavańnie pavysić pradukcyjnaść i apaviaščeńnie nakont abaviazkovych pierapracovak.

U vypadku niazhody z novaj palitykaj kiraŭnictva Mask prapanoŭvaŭ rabotnikam zvolnicca.

Mask dadaŭ, što tyja, chto nie naciśnie «tak» da nastupnaha dnia, atrymajuć trochmiesiačnuju kampiensacyju za zvalnieńnie. Praz try dni kampanija dasłała Runi list, u jakim paviedamiła, što pryznaje jaho «rašeńnie ab zvalnieńni», choć sam rabotnik nikoli nie paviedamlaŭ pra svajo žadańnie zvolnicca.

Na słuchańniach jon rastłumačyŭ, što bajaŭsia adkryvać list z-za mahčymych škodnasnych prahram. Kamisija pa pracoŭnych adnosinach Irłandyi, jakaja razhladała spravu, paličyła, što sutki — niedastatkovy termin dla pryniaćcia takoha rašeńnia.

Rehulatar prysudziŭ Runi 550 tysiač jeŭra ($605 tysiač) kampiensacyi.

Kamientary da artykuła